N+U Etxea. Ilunberri

Sotoko solairuak, oso hezeak, garaje eta instalazio-gela gisa erabiliko dira. Era berean, amaitu gabe eta altuera bikoitzeko espazio handi batean elkartuta uzten dira, etorkizuneko forjatu berri bat hartu ahal izateko prestatuta. Eremu bizigarriak kale garaienaren kotaren gainetik daude, eustormetatik datozen hezetasunak saihestuz.Egituran, alde batetik, hormigoizko forjatu bat gauzatzen da, garajea gainerako etxebizitzatik bereizten duena; bestetik, termobuztinezko hormak eta zurezko forjatuak.

Etxebizitzaren eraginkortasun energetikoari arreta handia eman zaio, hegoalderantz lehio handiak irekiz, eguzki-kaptadore gisa jardungo dutenak. Era berean, inguratzaile termikoa barrualdetik isolatzen da ehun-zuntz birziklatuzko panelekin, zubi termikoak ahalik eta gehien murriztuz. Zoru erradiatzailea duen aerotermia sistema erabiltzen da etxebizitza berotzeko.