Obra berria – Orekari

Proiektua garai bateko parrokia-etxearen lursailean kokatzen da, antzinako baratzeek hartzen zuten eremuan. Partzela San Lorenzo elizari atxikita dago. Multzo arkitektoniko hori katalogatuta eta babestuta dago. Horregatik, proiektua oso baldintzatua zegoen hasieratik, estetikoki, formalki eta baita materialei dagokienez ere.

Interbentzioa babestutako arkitektura ondare ingurune batean dagoela ulertuta, proiektuak paisai arkitektonikoaren estetika errespetatu nahi du: lau isuriko estalkia proposatzen da, inguruan ohikoagoa den bezala; era berean, material eta akabera tradizionalak erabiltzea proposatzen da: harria, erreboko argiak, egurra eta zeramikazko teilak.

Plaza hegoalderantz ireki egiten da eguzkiaren bila. Aldiz iparraldari eta hortik datorren haize hotzari itxi egiten zaie. Atzeko espazio publiko berdearekin lotzeko pasabide bat uzten da.

Ondare arkitektonikoaren zerbitzuak baldintzatua, bolumen berriak ezin du parrokia-multzoa ukitu. Muga hori muturrera eramaten da, ezker paretaren horma harrizko horma zaharretik zentimetro gutxi batzuk aldenduz, arratsaldeko argia igarotzean indartzen den arrakala moduko bat sortuz.

Urtea: 2022

Egoera: Obra lanetan

Kokapena: Lizasoain (Oltza zendea, Nafarroa)

Interbentzio azalera: 519 m2

Azalera eraikia.: 62 m2 const.

Aurrekontu orokorra: 176.000 euros

Argazkiak: –

Lastategi zahar baten zaharberritzea Ibiltzieta herrian, Nafarroako pirinioetan. Egun dauden harlangaitzezko karga-hormak mantendu egiten dira, proposamen berriaren altuera bat baino zerbait gehiago hartzen dutenak. Dagoen estalkia, duela gutxi ordezkatu zena, desmuntatu eta proposamen berrian berrerabili egiten da.

Dagoen perimetroa mantenduz, etxebizitza hiru solairutan banatzen da. Dagoen okupaziora egokitzea beharrezkoa denez, erabilera bizigarriak 1. plantatik aurrera hasten dira. Bertan, hego-hego-ekialdeari begira beirate handi bat kokatzen da, alde batetik, eguzki kaptadore nagusi gisa funtzionatuko duena; bestetik, ikuspegi onenak hartzen dituelako. Etxadi-patioaren zati bat jabeek erabil dezakete, eta, beraz, komunikazio bisuala eta eskailera baten bidezko sarbidea proposatzen dira.Arreta berezia jartzen zaio teilatu-hegalaren detaileari. Estalki zaharreko gapirio berrerabilien luzerak ez zuen teilatu-hegala sortzen uzten; beraz, perrote horizontal batzuk proposatzen dira, bi maldako isuri bat sortuz, Nafarroako pirinioetan ohikoak diren bezala.

Egituran, termobuztinezko hormak eta zurezko egitura astuneko forjatuak erabiltzen dira.

Etxebizitzaren eraginkortasun energetikoari arreta handia eman zaio, hegoalderantz lehio handiak irekiz, eguzki-kaptadore gisa jardungo dutenak. Era berean, inguratzaile termikoa barrualdetik isolatzen da ehun-zuntz birziklatuzko panelekin, zubi termikoak ahalik eta gehien murriztuz. Zoru erradiatzailea duen aerotermia sistema erabiltzen da etxebizitza berotzeko.

Urtea: 2020

Egoera: Ejekuzio proiektua

Kokapena: Ibiltzieta (Nafarroa)

Azalera erabilgarria: 196 m2

Azalera eraikia: 286 m2

Aurrekontua (PEC): 320.000 euros

Argazkiak: –

Etxebizitza bioklimatikoa.

Familia bakarreko etxebizitza, Etxaurin (Nafarroa).

Etxebizitza irizpide bioklimatiko eta bioeraikuntza-irizpideen arabera diseinatzen da.

Diseinu prozesuan dago.

Urtea: Prozesuan

Kokapena: Etxauri

Azalera erabilgarria: –

Azalera eraikia: –

Aurrekontua: –

Argazkiak: –

Lastozko etxea.

Obra berriko familia bakarreko etxebizitza da, birpopulatutako Zorokiain herrian (Untziti bailara, Nafarroa).

Etxebizitza irizpide bioklimatikoen eta bioeraikuntzan oinarritutakoen arabera diseinatzen da. CUT sistema eraldatua erabiltzen da, Lasto-fardoak isolamendu moduan eta zurezko egitura arinaren betegarri gisa erabilten da.

Urtea: Prozesuan

Kokapena: Zorokiain

Azalera erabilgarria: 230 m2

Azalera eraikia: 310 m2

Gutxi gora-beherako aurrekontua: 400.000 euros

Argazkiak: –